點解係中銀月供股票

首先, 點解要月供股票?

Time the market, 談何容易呀, 月供股票可以達到平均成本法, 更進一步既話, 就要進階版平均成本法, 即相對低位時供多 d, 相對高位時供少 d, 何為高位何為低位, 自己揾個指標, 我就用股息率 instead of PE.

供乜嘢股票?

揀股票, 又係談何容易呀, 一般人建議供 2800 就可以了, 因為指數基金跑羸七八成基金經理, 更何況係你同我, 另外, 2800 既 FER 極低.

入重點, 點解係中銀月供股票?

一般嘢自己睇, https://www.bochk.com/tc/investment/securities/monthly.html, 其他 jetso 如下:

1. 每個月供計劃五十蚊手續費 (or 0.25%) 已包晒所有費用, 如果你係中銀只有月供股票, 唔駛俾存倉費之餘, 往後收現金股息, 以股代息, 都唔駛再俾任何手續費, 啱晒我呢 d 收息佬, 只供不賣.

2. 可以用信用卡供款, 每月最多一萬積分, 積分又可以變返錢, 大大降低交易成本, 至於每年最多十二萬積分可以變返幾多錢, 睇吓你 hold 左中銀信用卡幾多年啦, https://www.boci.com.hk/pdf/chi/BP_Gift.pdf, 我就超過十年了 ^_^

3. 網上調整月供計劃容易, 三個工作天前都可以修改.